ఓ భావన ( ఇది కవిత్వం కాదు )

కొండ గుట్టల్లో నుండి ఓ దారి
ఆ దారి గుండా వెళ్తే మా ఊరు
కొండ గాలులకు భూమి పై జాలువారిన పూలు
ఆమె రోజూ ఇదే దారిలో వెళ్తుంది
వర్షం బాగా వస్తోంది అని గొడుగు తెచ్చాను
ఆమె కోసం వెతుకుతూ ఎదురు చూపులు
వర్షం కోసం మేఘాలను త్రొలే ఈదురు గాలులు
ఆకాశం నిండు కుండ లా బరువెక్కింది
నా హృదయం ఆమె కోసం పరుగు పెడుతోంది
మనసు నిండా ముసురుకున్న ఎన్నో ఆశలు
నా గొడుగు కిందకు ఆమెను ఆహ్వానిస్తాను
వర్షం దంచి కొట్టాలి , అందాలు తడిసి కరిగిపోయేలా
నిజం గానే వర్షం ఎక్కువై నన్ను ముంచేస్తోంది
నా ముందు నుంచే ఆమె గొడుగులో సాగిపోతోంది
తడిసి పోయిన రామ చిలుకలా
ఇక నేను  గొడుగును ముడుచుకున్నాను
వర్షం నన్ను కరిగించి వేస్తోంది కసి కసి గా !