Vayu Mudra for Stomach Ailments

ఆంజనేయుడు త్రినేత్రుడా? రాక్షసవధతో ముక్కంటిగా మారాడా?

ఆంజనేయుడు త్రినేత్రుడా? రాక్షసవధతో ముక్కంటిగా మారాడా?

త్రినేత్రుడు అంటే మనకు ముందు పరమశివుని రూపమే ప్రత్యక్షమవుతుంది. ముక్కడి అంటే శివుడు, శివుడంటే ముక్కంటి అని మనకు తెలిసిన విషయం. కానీ హనుమంతుడు కూడా త్రినేత్రుడు అని మనలో ఎంతమందికి తెలుసు? అంతే కాదు భక్తికి మారుపేరుగా, బ్రహ్మచర్యానికి ప్రతీకగా కూడా ఆంజనేయుడు కీర్తికెక్కాడు. హనుమంతుడు సాధారణంగా చేతిలో సంజీవని పర్వతంతోనో, లేదా రాముని పాదాల వద్దో మనకు కనిపిస్తాడు. అయితే పదిభుజాలు, మూడు కళ్లు కలిగిన ఆంజనేయుడిని ఎప్పుడైనా చూశారా? ఆంజనేయుడు త్రినేత్రుడు మాత్రమే కాదు, దశభుజుడు కూడా. సామికి రెక్కలు కూడా ఉన్నాయట. దశభుజుడి చేతుల్లో శంఖు, చక్రం, కపాలం, కొరడా ఇలా వివిధ ఆయుధాలతో ఉన్నాడు. ఇంతకీ ఆ స్వామి ఇటువంటి అవతారాన్ని ఎందువల్ల ఏ సందర్భంలో ఈ అవతారం ధరించినట్టు?

రామరావణ యుద్ధం ముగిసిన తరువాత విభీషణుడు శ్రీరామచంద్రుడికి పుష్పకవిమానం బహుకరించగా, అందరూ ఆ పుష్పక విమానంలో అయోధ్యకు బయలుదేరారు. మార్గమధ్యంలో శ్రీరాముని ఆదేశం ప్రకారం భరద్వాజ ముని ఆశ్రమం దగ్గర ఆగి, విడిది చేశారు. ఆరోజు పంచమి తిథి. అప్పటికి రాముని అరణ్యవాసం  అయిన 14 సంవత్సరాలు పూర్తయ్యాయి.  కుశల ప్రశ్నల తరువాత శ్రీరాముడు భరద్వాజ మునితో ఇలా అన్నారు "ఓ మహాత్మా! అయోధ్యా నగరం సుభిక్షంగా ఉందా? అందరూ ఆరోగ్య సౌభాగ్యాలతో ఉన్నారా? భరతుడు రాజ్యపాలన ఎలా చేస్తున్నాడు? మా తల్లులు అందరూ క్షేమమే కదా?'' అని అడిగాడు. అందుకు భరద్వాజ ముని రాముడికి కొన్ని వరాలు అనుగ్రహించాలని అనుకుంటున్నట్టు చెప్పాడు. అప్పుడు రాముడు "నేను అయోధ్యా నగరానికి వెళుతున్నాను. నేను వెళ్ళే దారిలో వృక్షాలన్నీ ఫలప్రదంగా ఉండాలి, వివిధ ఫలాలు అమృతంలా ఉండాలి'' అని కోరుకున్నాడు.

భరద్వాజ ముని ఆతిథ్యం స్వీకరించిన తరువాత శ్రీరాముడు కాసేపు విశ్రాంతి తీసుకుంటుండగా 'నారాయణ ... నారాయణా' అనే శబ్దం వినిపించింది. నారదుడు అక్కడికి వచ్చి శ్రీరాముడికి అభివాదం చేసి "శ్రీరామా! ఒక ముఖ్యమైన విషయం గురించి చర్చించడానికి నీ దగ్గరకు వచ్చాను'' అని అన్నాడు. శ్రీరాముడు చెప్పండి నారదా అని అన్నాడు. "రామయ్యా! రావణ సంహారం జరిగినందువల్ల సంతోషమా? రావణ సంహారం జరిగినప్పటికీ, దుష్టసంహారం ఇంకా ముగియలేదు కదా? నీ వింటి అంబులపొదికి ఇంకా పని కల్పించాల్సిందే'' "వివరంగా చెప్పు నారదా'' అన్నాడు శ్రీరాముడు. "రామా! రావణుని సంహరించినందువల్ల అంతా ముగిసిందనుకుంటున్నావ్, అందులో సగం మాత్రమే నిజం. అసురులు ఇంకా ఇద్దరు ప్రాణాలతోనే ఉన్నారు. జరిగినదానికి ప్రతీకారం తీర్చుకోవాలని ఎదురుచూస్తున్నారు. రక్తబిందువు, రక్తాక్షుడు అనే రాక్షసులు నిన్ను గెలవడానికి సముద్ర అడుగు భాగంలో ఉండి తీవ్రమైన తపస్సు చేస్తున్నారు. వారు శక్తివంతమైన వరాలతో బయటపడ్డారంటే ఆ రాశాసులకు అడ్డుకోవడం చాలా కష్టం. ఫలితంగా ప్రపంచం అనేక కష్టాలకు లోను కావాల్సి ఉంటుంది. అందుకే రామా! నీవు త్వరగా ఆ రాక్షసులను అంతం చేసే దిశగా ఆలోచించు'' అని అన్నాడు. రాముడు ఆలోచనానిమగ్నుడై ఉండగా నారదుడు మళ్ళీ మాట్లాడుతూ "అంత దీర్ఘంఘా ఏమి ఆలోచిస్తున్నావు రామా?'' అని అడిగాడు. దానికి శ్రీరాముడు "నారదా! నేను అయోధ్యకు తిరుగు ప్రయాణమయ్యాను. "లక్ష్మణుడుని పంపించవచ్చు కదా?''

"తను నా నీడవంటి వాడు మహర్షీ? నన్ను వదిలి ఉండనని శపథం చేశాడు కదా! ఆ సంగతి మీకు కూడా తెలుసు కదా?'' అని అంటూ ఉండగా రాముని దృష్టి హనుమంతుడిపై పడింది. "ఆంజనేయా! ఇలా దగ్గరకు రా'' అని పిలిచాడు.
"స్వామీ!'' అంటూ ముకుళిత హస్తాలతో హనుమంతుడు రాముని ఎదురుగా వచ్చాడు. "నా ప్రియమైన హనుమంతా ... రాక్షస సంహారం నీ చేతుల మీదుగా కావించు'' అని ఆనతిని ఇచ్చాడు.
యుద్ధంలో సహాయంగా ఉండేందుకు విష్ణుమూర్తి తన శంఖు, చక్రాలను హనుమంతుడికి ప్రసాదించారు. బ్రహ్మదేవుడు తన కమండలాన్ని, పరమ శివుడు తన మూడో కంటిని ఆంజనేయుడికి ప్రసాదించారు. ఇలా వివిధ దేవతల నుంచి పది ఆయుధాలు పొందిన అంజనీపుత్రుడు దశభుజుడయ్యాడు. కైలాసనాధుని నుంచి మూడో కన్ను పొందడంతో ముక్కంటిగా మారాడు. వానర శ్రేష్టుడు రాక్షసవధ పూర్తిచేసి విజయంతో తిరిగి వచ్చాడు.

అయితే ఆ రూపాన్ని చూసేందుకు తమిళనాడు రాష్ట్రం, నాగపట్నం జిల్లాలోని ఆనందమంగళంలో ఉన్న త్రినేత్ర దశభుజ వీరాంజనేయ ఆలయానికి వెళ్లాల్సిందే. ఈ ఆలయంలో పది భుజాలు, నుదురుపై మూడో కన్ను కలిగిన ఆంజనేయుడు భక్తుల పూజలందుకుంటున్నాడు. ఈ రూపంలో ఆయన రాక్షసులను అంతమొందించి అక్కడ వెలిసినందున ఆ ప్రాంతంలో ఆలయాన్ని నిర్మించి భక్తులు పూజిస్తున్నారు. రాక్షస వధతో హనుమంతుడు ఆనందంగా ఉన్నందున ఆ ప్రాంతానికి ఆనందమంగళమ్ అనే పేరు స్థిరపడిందని భక్తులు చెబుతుంటారు..

Benifits of chanting OM

ఓం''...  తో   అలసట  మాయం...

శాస్త్రీయంగా  నిరూపించిన  బాలిక.......

  ఓం... శబ్దంతో.... 

శరీరంలో అలసట దూరమవుతుందని పద్నాలు గేళ్ల బాలిక ప్రయోగాత్మకంగా నిరూపించింది. 

పశ్చిమ్ బెంగాల్ ప్రభుత్వం నిర్వహించిన సైన్ కాంగ్రెస్‌లో తన ప్రదర్శనతో ఆ బాలిక శాస్త్రవేత్త లను అకట్టుకుంది. 

కోల్‌కతాలోని అడమ్స్ వరల్డ్ స్కూల్‌లో తొమ్మిదో తరగతి చదువుతున్న అన్వేష రాయ్ ఓంకారంపై పరిశోధన చేసింది. 

ఓం శబ్దాన్ని వినడం వల్ల రక్తంలో ఆక్సిజన్ శాతం పెరిగి, కార్బన్‌డైయాక్సైడ్, లాక్టిక్ యాసిడ్ నిల్వలు తగ్గతాయని, తద్వారా అలసట ఉండదని అన్వేష తన ప్రయోగం ద్వారా కలకత్తా, జాదవ్‌పూర్ యూనివర్సిటీలకు చెందిన ఫిజిక్స్, ఫిజియాలజీ ప్రొఫెసర్ల సమక్షంలో నిరూపించింది. అన్వేష ప్రాజెక్ట్ విన్నూత్నంగా ఉందని, అంతే కాకుండా ఆమోదయోగ్యం కూడా ఉందని కలకత్తా యూనివర్సిటీకి చెందిన ఫిజియాలజీ విభాగం హెడ్ ఫ్రొఫెసర్ దేవశీష్ బందోపాధ్యాయ అన్నారు. 

అన్వేష అనే పేరులోనే అన్వేషణ ఉందని, బెంగాలీలో అన్వేషణ్ అంటె వెదకడమని ఆ బాలిక తెలిపింది. ఓంకారం నుంచి వెలువడే ప్రత్యేక పౌన:పున్యం కలిగి శబ్దాలు శరీరంలోని న్యూరోట్రాన్స్‌మిటర్స్‌తోపాటు హార్మోన్ల (సెరోటినిన్, డోపమైన్) స్థాయిని పెంచుతాయి...

ఈ ప్రక్రియకు రక్తంలో ఆక్సిజన్ స్థాయిలు పెరగడమే కారణమని అన్వేష రాయ్ తెలియ

జేసింది. 

అలాగే తక్కువ పరిమాణంలో లాక్టిక్ యాసిడ్ విడుదల అవుతుందని దీంతో అలసట అనేది ఉండదని అన్వేష తెలిపింది. 

గత దశాబ్దంలో సంగీతం సాధన ద్వారా శరీరానికి వ్యాయామం చేకూరి, మానసిక ప్రశాతంత కలుగుతుందని పరిశోధకులు నిరూపించినట్లు పశ్చిమ్ బెంగాల్ స్టేట్ సైన్స్ అండ్ టెక్నాలజీ విభాగం సెక్రెటరీ రిన వెంకట్రామన్ అన్నారు. కానీ ఓంకారం శరీరంపై నిర్దిష్ట ప్రభావం చూపుతుందని అన్వేష నిరూపించిందని ఆయన తెలిపారు. 

ఇప్పటివరకు ఎవరూ ఓం శబ్దంపై ప్రత్యేక పరిశోధనలు చేపట్టలేదని స్టేట్ సైన్స్ అండ్ టెక్నాలజీకి చెందిన సీనియర్ శాస్త్రవేత్త దీపాంకర్ దాస్ తెలిపారు. 

ఇటీవల రాష్ట్రస్థాయి సైన్స్ కాంగ్రెస్ నిర్వహించిన వర్క్‌షాప్‌నకు 165 విద్యార్థులను ఎంపిక చేశామని ఆయన అన్నారు. వర్క్‌షాప్‌లో భాగంగా అన్వేష ఉత్తరాఖండ్‌లో పర్యటించి నపుడు బగేశ్వర్ నుంచి 68 కిలోమీటర్లు దూరాన ఉన్న కేదారీనాథ్‌కు కాలినడకన రోజూ నీటిని తీసుకెళ్తున్న కొంతమంది పూజరుల్లో ఎలాంటి అలసట కనపడకపోవడంతో ఆశ్చర్యపడింది. 

అలాగే వాళ్లు దోవపొడువునా ఓంకారాన్ని జపిస్తూ ముందుకు సాగడం గుర్తించింది. 

దీంతో ఓంకారంపై తన ప్రయోగాన్ని నిర్వహించాలని భావించింది. 

దీనిపై పరిశోధనకు అక్కడే శ్రీకారం చుట్టింది. 

ఓం శబ్దం ద్వారా శరీరంలో 430 హెర్జ్‌ల పౌన:పున్యాలను వెలువడుతున్నట్లు గుర్తించి వివిధ ల్యాబొరేటరీల్లో ఐదు ప్రయోగాలను నిర్వహించింది. 

17 మంది యువతీ, యువకులకు ఓంకారాన్ని 30 నిమిషాల పాటు వినిపించి వారి శరీరంలోని ఆక్సిజన్, కార్బన్‌ డయాక్సైడ్ శాతాలను లెక్కించింది. 

ఓం శబ్దంతో వారి శరీరంలో ఆక్సిజన్ పరిమాణం పెరిగి, కార్బన్ డయాక్సడ్ శాతం తగ్గినట్లు అన్వేష తెలిపింది.... 

ప్రతి రోజు  ఉదయం ,  సాయంత్రం  కనీసం  11 సార్లు  దీర్ఘ  ఓంకారం  చేయండి.........  మీ  భందు మిత్రులతో  చేయించండి ........ ఓం ,  ఓం , ఓం..

Tamalapaaku (Paan patta) for weight loss

ఒకే ఒక చిట్కా, బరువు తగ్గిపోవచ్చు.

ఈ మధ్య కాలంలో చాలామందిని పట్టి వేధిస్తున్న సమస్య అధిక బరువు. ఇందుకు చాలామంది, చాల విధాలుగా ప్రయత్నాలు చేస్తుంటారు. ఇక చాలామందికి చెయ్యాలని ఉన్నా కూడా, సమయాభావం వల్లనో, బద్ధకం వల్లనో వారి ప్రయత్నాలను ఏరోజుకు ఆ రోజు వాయిదావేసుకుంటూ వస్తుంటారు. అలంటి బద్దకస్తులకు కూడా ఇంటిదగ్గరే ఉంది బరువు తగ్గే సలహాలు ఇస్తున్నారు ఆయుర్వేద నిపుణులు. వారు సూచిస్తున్న పరిష్కారం ఏంటంటే,

 

 “తమలపాకు”.

 

 

అవును ప్రతిరోజు మన డైట్ లో తపలపాకును భాగం చెయ్యడం వలన బరువు తగ్గవచ్చునట. తమలపాకు మన జీర్ణ వ్యవస్థను మెరుగుపరిచి, మన శరీరంలోని కొవ్వును తగ్గిస్తుందని నిపుణులు చెబుతున్నారు. ” లేత మరియు ఆకుపచ్చ రంగులో ఉన్న తమలపాకులో 5-6 మిరియాల గింజలు వేసి, తమలపాకును మడిచి తినాలని, అలా ఒక నెలరోజులు చేస్తే చాల వరకు బరువు తగ్గిపోవచ్చని ఆయుర్వేద నిపుణులు చెబుతున్నారు. ” ఇలా ప్రతిరోజు ఉదయం ఖాళీ కడుపుతో తమలపాకును తినడం వలన, మిరియాలలో ఉండే ప్యాతో న్యూట్రిఎంట్స్, పెప్పేరిన్ కొవ్వుతో రసాయనిక చర్య జరిగి కొవ్వు విచ్చిన్నం జరుగుతుందని చెబుతున్నారు.

 

అంతే కాకుండా, తమలపాకు కడుపు ఉబ్బరం వ్యాధిని, గ్యాస్ట్రిక్ ఆమ్లాల వలన వచ్చే చెడు ప్రభావాలను కూడా నిరోదిస్తుందని  సలహా ఇస్తున్నారు.

Barley seeds for weight loss

అధిక బరువు అరికట్టే మంచి ఆహారం - బార్లీ గింజలు

'' అధిక బరువును గణనీయంగా తగ్గించేస్తుంది, కేలరీలు అతి తక్కువ, ఒక మంచి ఆహారంగా కూడా పనిచేసి మీరు సన్నగా నాజూకుగా వుండేలా చేస్తుంది. కొల్లెస్టరాల్ స్ధాయిలను బాగా తగ్గిస్తుంది.''   ఇన్ని ప్రయోజనాలున్న ఈ గింజలేమిటో తెలుసా? అదే బార్లీ గింజలు. ఆంధ్రులకు బార్లీ గింజలు కొత్తేమీ కాదు. గతంలో ఇండ్లలో ఒక్కరోజు జ్వరం పడితగ్గితే చాలు బార్లీ జావలు కాచి ఇచ్చేవారు. అద్భుతమైన ఈ గింజలో నీటిలో కరగని పీచు వుండి శరీరంలో నీటిని నిలిపివుంచుతుంది. పేగులలో వుండే మలినాలను వేగంగా బయటకు పంపేస్తుంది. కేన్సర్ అరికడుతుంది. మలబద్ధకం రాకుండా కూడా బార్లీ జావ తాగుతారు. బార్లీ నీరు కిడ్నీలకు ఒక వరంగా భావించాలి. కీళ్ళనొప్పులు, వంటి నొప్పుల సమస్యలను మాయం చేస్తుంది.

దీనిని ఎలా తయారు చేయాలి? బార్లీ గింజలను మెత్తగా నీటిలో ఉడికించండి. వడగట్టండి. కొంచెం రుచిగా వుండటానికిగాను వడకట్టిన నీటిలో ఆరెంజ్ జ్యూస్ లేదా నిమ్మరసం కలపండి. అంతే మీ బార్లీ నీరు తయారైనట్లే. దీనిని ఫ్రిజ్ లో లేదా చల్లని ప్రదేశంలో వుంచితే, పోషకాలు పోకుండా వుంటాయి. ఇంత  అధ్భుతమైన బార్లీ గింజలను, ప్రతిరోజూ మనం తినే సూప్ సలాడ్, సిరియల్ వంటి వాటిలో  కూడా వేసుకొని ప్రయోజనం పొందవచ్చు

Surya sthotram for good health

సర్వ రోగ నివారిణి – సూర్యభగవానుడి స్తోత్రం

పూర్వం శ్రీ కృష్ణుని కుమారుడు అయిన సాంబుడు కూడా తనకు వచ్చిన అనారోగ్యాన్ని పోగొట్టుకోవడం కోసం ఈ సూర్యస్తోత్రమును పఠించాడు. ఇది అతి శక్తివంతమైన స్తోత్రము.

1. ఉద్యన్నద్య వివస్వాన్ ఆరోహన్నుత్తరాం దివందేవః

హృద్రోగం మమ సూర్యో హరిమాణం చాశునాశయతు

భావం : ఇప్పుడే ఉదయించి ఉత్తరంవైపుగా పయనిస్తున్న ఓ సూర్యదేవా… నాలో వున్న గుండెజబ్బును, కంటిజబ్బును, ఇతర సర్వరోగాలను త్వరగా పోగొట్టాలని కోరుతూ నేను నిన్ను ప్రార్థిస్తున్నాను!

2. నిమిషార్టే నైకేన త్వేచశ తేద్వేసహస్రేద్వే

క్రమమాణ యోజనానాం నమోస్తుతే నళిననాధాయ

భావం : కేవలం అరనిముషంలోనే ఆకాశముపై రెండువేల రెండువందల రెండు యోజనాలు పయనించే పద్మబాంధవా! నీకు నమోవాకం!

3. కర్మజ్ఞానఖదశకం మనశ్చజీవ ఇతి విశ్వసర్గాయ

ద్వాదశధాయోవిచరతి సద్వాదశమూర్తి రస్తు మోదాయ

భావం : కర్మేంద్రియాలు, జ్ఞానేంద్రియాలను ఐదేదు చొప్పున కల్పించే ఆ ద్వాదశ మూర్తి… మనస్సు, జీవుడు కూడా తానే అయి నాకు ఆనందాన్ని, తృప్తిని కలిగించాల్సిందిగా ప్రార్థిస్తున్నాను.

 

4. త్వం యజుఋక్ సామత్వం త్వమాగమస్త్వం వషట్కారః

త్వం విశ్వం త్వం హంసః త్వం భానో ! పరమహంసశ్చ

భావం : ఓ సూర్యదేవా! మూడువేదాలు, వషట్కారము, ప్రపంచము, హంస, పరమహంస మొదలైనవన్నీ నీవే!

5. శివరూపాత్ జ్ఞానమహంత్వత్తో ముక్తిం జనార్దనాకారాత్

శిఖిరూపాదైశ్వర్యం భవతశ్చారోగ్యమిచ్చామి

భావం : శివరూపుడవైన నీవల్ల ఆత్మజ్ఞానాన్ని, విష్ణురూపుడవైన నీవల్ల మోక్షమును, అగ్ని రూపుడవైన నీవల్ల ఐశ్వర్యమును, ఆరోగ్యమును కల్పిస్తావని మేము భక్తితో నిన్ను కోరుతున్నాను. మమ్మల్ని అనుగ్రహించు.!

6. త్వచిరోషా దృశిదోషా హృదిదోషా యే~ఖిలేంద్రి యజదోషాః

తాన్ పూషా హతదోషః కించిద్రోషాగ్నినాదహదు

భావం : మాలో వున్న చర్మదోషాలను, కంటిదోషాలను, హృదయదోషాలను, ఇంద్రియాల వంటి మొదలైన దోషాలను… సూర్యభగవానుడివైన నువ్వు ఒకే విధమైన నీ కోపరూపమైన అగ్నితో దగ్ధం చేయమని కోరుతూ ప్రార్థిస్తున్నాము!

7. తిమిరమివ నేత్రతిమిరం పటలమివాశేషరోగపటలం నహః

కాచమివాధినికోశం కాలపితారోగశూన్యతాం కురుతాత్

భావం : రోగాల మూలములకు కాలకర్త అయిన ఓ సూర్యదేవా…! నువ్వు ఏ విధంగా అయితే నాలుగువైపుల అలుముకుని వున్న చీకటిని దూరం చేస్తావో… అదేవిధంగా మా కంటిరోగాలను (రేచీకటి జబ్బు), రోగపటలముల నుంచి విముక్తి కలిగిస్తావని కోరుతున్నాను.

8. యశ్యచ సహస్రాంశోరభిషులేశో హిమాంశు బింబగతః

భాసయతి నక్తమఖిలం కీలయతు విపద్గణానరుణః

 

భావం : వేయి కిరణాలను కలిగివున్న ఆ సూర్యుని నుంచి వెలువడే కేవలం ఒక కిరణ భాగం చంద్రుని మీద పడి.. రాత్రివేళ వున్న చీకటిని మాటుమాయం చేసి వెలుగు కలిగిస్తుంది. అలాంటి శక్తిని కలిగి వున్న సూర్యదేవా.. మమ్మల్ని ఆపదల నుంచి బాగుచేయమని కోరుతున్నాము.

9. యేనవినాంధం తమసం జగదేతత్, యత్రసతి చరాచరం విశ్వం

దృతబోధం, తం నళినీ భర్తారం హర్తారమా పదామీళే

భావం : ఏ దేవుని దర్శనం లేకపోతే జగమంతా కటికచీకటిమయం అవుతుందో… ఏ సూర్యుని వెలుగుచే ప్రతిఒక్క ప్రాణి తెలివిగలదీ అవుతుందో… ఏ భాస్కరుడు ఆపదలను రూపుమాపుతాడో… అటువంటి ఆపద్మభాందవుణ్ణి మేము ప్రార్ధిస్తాను.

10. వాతాశ్మరీ గదార్శః త్వగ్దోష మహోదర (ప్రమేహాంశ్చ)

గ్రహణీ భగంధరాఖ్యా మహారుజోపిత్వమేవహంసి

భావం : వాతరోగం, చర్మరోగం, మహోదరం, అతిమేహం, గ్రహణి, భగంధరం వంటి మహారోగాలను పోగొట్టే దివ్యవైద్యుడివి నీవే సూర్యదేవా!

11. ధర్మార్ధ కామ మోక్ష ప్రతిరోధిన ఉగ్రతాపవేగకరాన్

బందీకృతేంద్రియ గణాన్ గదాన్ విఖండ యతుచండాంశుః

 

భావం : ధర్మార్ధ కామమోక్షాలను సాధించే కర్మలను చెయ్యనీయకుండా మిక్కిలి తాపం కలిగించి, ఇంద్రియాలను బంధించే రోగాలను చండకరుడైన సూర్యుడు చెండాడుగాక! మామీద కరుణ చూపించాలని కోరుతున్నాము.

12. త్వం మాతాత్వం శరణత్వం దాతాత్వం ధనః త్వమాచార్యః

త్వం త్రాతా త్వం హర్తావిపదాం ; అర్క ! ప్రసీద మమ

 

భావం : ఓ సూర్యదేవా! నీవే నా తల్లివి, నీవే నాకు దిక్కు, నాకు కావలసింది ఇచ్చే దాతవు నీవే.! నీవే ధనం, మంచి చెడ్డలను బోధించే గురువు నీవే. రక్షకుడవు, ఆపదలను పోగొట్టే వాడవు నీవే! నన్ను అనుగ్రహించు.

ఫలశ్రుతి :

ఈ పన్నెండు ఆర్యావృత్తాలు ఆకాశం నుంచి సాంబుని ముందు పడినవి వీటిని శ్రద్ధాభక్తులతో చదివేవారికి భాగ్యాభివృద్ధి కలుగుతుంది. అన్ని జబ్బులూ అంతరిస్తాయి.

Importance of Akshaya Tritiya

మే నెల 7 వ తేదీ మంగళ వారము అక్షయ తృతీయ.

ఆ రోజునే 

సింహాచల వరాహ నరసింహ స్వామి వారి  చందనోత్సవం.

అదే రోజున

పరశురామ  జయంతి .

మరిన్ని  అక్షయ తృతీయ ప్రాముఖ్యతలు.

అక్షయ తృతీయ ప్రాముఖ్యత

1. పరశురాముని జన్మదినం

2. పవిత్ర గంగా నది భూమిని తాకిన పర్వదినం

3. త్రేతాయుగం మొదలైన దినం

4. శ్రీకృష్ణుడు తన బాల్యమిత్రుడైన కుచేలుని కలుసుకొన్న దినం

5. వ్యాస మహర్షి “మహా భారతము”ను, వినాయకుని సహాయముతో, వ్రాయడం మొదలుపెట్టిన దినం

6. సూర్య భగవానుడు అజ్ఞాతవాసములో వున్న పాండవులకు “అక్షయ పాత్ర” ఇచ్చిన దినం

7. శివుని ప్రార్థించి కుబేరుడు శ్రీమహాలక్ష్మితో సమస్త సంపదలకు సంరక్షకునిగా నియమింపబడిన దినం

8. ఆదిశంకరులు “కనకధారాస్తవం” ను చెప్పిన దినం

9. అన్నపూర్ణా దేవి తన అవతారాన్ని స్వీకరించిన దినం

10. ద్రౌపదిని శ్రీకృష్ణుడు దుశ్శాసనుని బారినుండి కాపాడిన దినం.

అక్షయ తృతీయ అంటేనే నేటికాలంలో బంగారం, వెండి లేదా ఇతర ఏదేని విలువైన వస్తువులు కొనడం   అనుకుని డబ్బు లేకున్నా అప్పు చేసో, తప్పు చేసో కొంటే, కొన్న బంగారం అక్షయం అవడం అటుంచి చేసిన అప్పులు, తప్పులు తత్సంబంధ పాపాలు అక్షయం అవుతాయని శాస్త్రాలు వివరిస్తున్నాయి. *అసలు ఈరోజున బంగారం  కొనాలి అని శాస్త్రంలో ఎక్కడా చెప్పబడిలేదు. 

అక్షయ తృతీయ నాడు, మనం  చేపట్టిన  ఏ  కార్య  ఫలమైనా, [ అది  పుణ్యం కావచ్చు; లేదా  పాపం  కావచ్చు.] అక్షయంగా,  నిరంతరం,  జన్మలతో  సంబంధం లేకుండా,  మన  వెంట  వస్తూనే  ఉంటుంది.

 

 పుణ్య  కర్మలన్నీ  విహితమైనవే.  అందునా,  ఆ రోజు  ఓ  కొత్త  కుండలో గానీ,

కూజాలో గానీ,  మంచి నీరు  పోసి, దాహార్తులకు  శ్రధ్ధతో  సమర్పిస్తే,  ఎన్ని  జన్మలలోనూ,  మన  జీవుడికి    దాహంతో  గొంతు  ఎండి పోయే  పరిస్థితి  రాదు. అతిధులకు, అభ్యాగతులకు,  పెరుగన్నంతో  కూడిన  భోజనం  సమర్పిస్తే,  ఏ  రోజూ  ఆకలితో  మనం అలమటించవలసిన   రోజు  రాదు. వస్త్రదానం వల్ల  తదనుగుణ ఫలితం లభిస్తుంది. అర్హులకు  స్వయంపాకం, దక్షిణ, తాంబూలాదులు    సమర్పించుకుంటే,  మన  ఉత్తర జన్మలలో,  వాటికి  లోటు  రాదు. గొడుగులు, చెప్పులు,  విసన కర్రల లాటివి  దానం  చేసుకోవచ్చు.

ముఖ్యంగా  ఆ  రోజు  నిషిధ్ధ  కర్మల జోలికి  వెళ్ళక పోవడం  ఎంతో  శ్రేయస్కరం. ఓ  సారి  పరిశీలిస్తే, భాగవతం  ప్రధమ స్కంధం ప్రకారం,   పరీక్షిన్మహా రాజు  కలి పురుషుడికి  ఐదు  నివాస స్థానాలను  కేటాయించాడు.  అవి:

*జూదం,  మద్య పానం, స్త్రీలు, ప్రాణి వధ,  బంగారం*.  వీటితో పాటు కలి కి  లభించినవి 

*ఇంకో  ఐదు*

అసత్యం,గర్వం, కామం, హింస, వైరం.  జాగ్రత్తగా  పరిశీలిస్తే,  ఆ పైన  ఉన్న  ఐదిటికీ  ఇవి  అనుషంగికాలు.

ఆ  పై  ఐదిటినీ  ఇవి  నీడలా  వెన్నంటే  ఉంటాయి.

అక్షయ తృతీయ  రోజు  ఎవరైనా,  ఈ  ఐదిటిలో  దేని  జోలికి  వెళ్ళినా,  కలి పురుషుడి  దుష్ప్రభావం

అక్షయంగా  వెంటాడుతూనే  ఉంటుంది.