ప్రేమ ప్రసాదం

ఆమె గుడికి వచ్చింది
కనుబొమ్మల విల్లుల్లోంచి చూపుల బాణాలు విసురుతోంది
దొండపండు నే వెక్కిరించెంత ఎర్రగా మెరుస్తున్న పెదవులు
ఆమె చిరునవ్వులు మల్లెమొగ్గలను కురిపిస్తున్నాయి
ఆమె కనుల కొలనులో నా రూపమే కనిపిస్తోంది
మనసు ఉప్పొంగి పైకి ఎగసింది
పువ్వుల గుత్తులను ఆమె చుట్టూ కప్పేసింది
మనసు పల్లకీలో ఆమెను కూర్చోబెట్టాను
ఊహల బోయీలు సుతారం గా ఆమెను మోస్తున్నారు
నా ప్రేమ పట్టపు రాణి కి నా హృదయం సింహాసనం అయ్యింది
మాట మాట కలపాలని,
వలపు కోట కట్టాలని
ఆ తేనే బిందువులు పెదవులకు అద్దుకోవాలని
ఆమె వైపుకు దగ్గర దగ్గర గా జరిగాను
ఒక చూపు దేవునిపై , పది చూపులు ఆమె పై వేసాను
దేవతను చూసింది చాలు , దేవుడిని చూడండి ఇక
మధ్య మధ్య లో ..... ఆమె వెటకారం ...
మా వాళ్ళు వచ్చారటగా మీ ఇంటికి సంబంధం కోసం
అవును నన్ను మీ  ఇంటికి సాగనంపటానికి
అవునూ ... వచ్చారా ! మీరే పంపించారా !
కిల కిలా నవ్వుతూ ఆమె అందమైన వెటకారం
అర్చకుడు నాకు ఇచ్చిన గులాబీ ని
ప్రేమ ప్రసాదం గా ఆమె చేతిలో పెట్టాను