సృష్టి లోని వైచిత్ర్యం

అక్షరాలూ అనుబంధం తో బంధం అవుతాయి
సుందరమైన వయ్యారాలతో మాయ చేస్తుంటాయి
అందాలను రంగరించి మూస పోస్తాయి
మనస్సున చొప్పించి శిల్పం చెక్కుతాయి
వయస్సు ను బంధించి పల్లకిలా మోయిస్తాయి .
మనసును దారం చేసి ఆశల కుసుమాలను గుచ్చేస్తాయి
శరీరాన్ని తేలిక చేసి ఆనందపు ఊయలలు ఊపుతాయి
కళ్ళలోని చూపులను పట్టి మత్తు ఎక్కిస్తాయి
ఎందమావుల్లా కావు , ఎడారి ఒయాసిస్సులా ప్రకాసిస్తాయి
కోర్కెల గుర్రాలపై వయస్సును సవారి చేయిస్తాయి 
 ఆశలు ప్రేమకై ఒక రూపం పోస్తాయి
ప్రేమ ఆ రూపం మేడలో ఆశల మాల వేస్తుంది
కనురెప్పల మధ్య ఆ రూపం ఉంది పోతుంది
కనుల కొలనులో ఆ అక్షరాల రూపం కలగా ఎదుగుతుంది
మనస్సు ఆర్ద్రత తో ఇంకో మనస్సును అతుకుతుంది
ప్రేమ గూటిలో రెండు శరీరాలు ఒకేపాట పాడతాయి
ఎనో కొత్త రాగాలు మధురమైన అనుబంధం గా జన్మిస్తాయి
జన్య జనక రాగాలు అనుభూతి గా మిగిలిపోతాయి .