తలపుల తలుపులు

గుండెల్లో ఇల్లు కట్టావు,
ఆ ఇల్లు వదిలి వెళ్ళలేవు
 ఆ ధ్యాస నిన్ను వెళ్ళనివ్వదు
 శ్వాస శ్వాసకు మధ్య నీ  ధ్యాస
 నా వేడి ఊపిరిలు నీ చెవి లో గుసగుసలు
 కాలాన్ని పరుపులా వేసేస్తాను.
చూపుల గాలం లో నీ పరువాలని పట్టేసింది
. కౌగిలింతలో అందాలకు ఆర్థ్రత వస్తుంది.
 ప్రేమ ఊహలు అన్ని ఇక  ఊగే ఊయలలు.
 నీ పొడగాటి జడ నా భుజాలలో ఇరుక్కుని పోతుంది.
మల్లెల్లు అన్ని ఆశల దారం లో దోబూచులాదతాయి
 ఆ రాత్రివేళ  వెన్నెల కురుస్తు ఉంటుంది.
 చల్లని గాలులు నీ ప్రేమను నా పై అభిషేకిస్తాయి,
 నీ ఆధారాలు నా పై రంగులు అద్దుతాయి ,
 నీ ముంగురులు పాపిటి కుంకుమ
 నా పై జల్లిన  రహస్యాలు చూడాలని భానుడు ఉరికి వస్తాడు,
 తెల్లవారి నా మెడ నిండా నీ కుంకుమ  గుర్తులే
 గుండెల్లో ఇల్లు కాస్త పొదరిల్లు అవుతుంది
 ఆ పొదరిల్లు కి మనమిద్దరం రెండు తలుపులం
 ఎన్నో  తలపులకి ఇద్దరము బందీలము .